Burns Nicht

Posted by

Hello aw, howp ye'r daein weil. Dinna ken about ye, but I'm fair leukin forrit tae Burn's Nicht. Haggis aye gaes doun weil in ma hous. Say whit ye like about cliches an tartanry; guid fuid an guid poetry mak for a guid nicht in ma buek.

While ye'r at it, mind an tak in the braw veidios an Burns Nicht features on the main page - this year o aw years (binna ye'r fancyin yer chances at bein around for the 300 anniversary) especially. I'm shair leukin forrit tae gien ma lug ower tae Billy Kay on the radio an aw.

Also saw the news that Scots isna bein representit richt on the Census... no guid! I howp this wis jist an owersicht an wull be pit richt ASAP. Kudos tae Bill Wilson for takkin the govrenmnet tae task about no takkin tent o this.

Nae time for mair the nou, but I howp tae be back on here suiner raither nor later.

Cheerio, and God Bless,
Dunc


Sang o the week : The Hellacopters - Toys and Flavors. I jist luve this sang. I ken I haed this as ma sang o the week a while back, but I'm pittin it up again acause it haes mair "haw-maws" nor jist about onithing pit out since. Maist o the dreich keich they cry rock baunds on the radio thir days coud dae wi giein The Hellacopters a lissen, an syne hing their heids i shame. \m/

blog comments powered by Disqus

The opinions expressed here are the views of the writers and commentators and do not necessarily reflect the views and opinions of the Scots Language Centre